Huntingtower

1. "When ye gang awa' Jamie,
Far across the sea, laddie;
When ye gang to Germany,
What will ye send to me, laddie?"

2. "I'll send ye a braw new gown, Jeannie,
I'll send ye a braw new gown, lassie;
And it shall be o' silk and gowd,
With Valenciennes set around, lassie."

3. "Tha's nae gift ava', Jamie,
That's nae gift ava' laddie;
There's not a gown in a' the town,
I like when ye're awa' laddie."

4. "When I come back again, Jeannie,
When I come back again, lassie;
I'll bring with me a gallant gay,
To be your ain guidman, lassie."

5. "Be my guidman yerself, Jamie,
Be my guidman yersel, laddie;
An' tak' me o'er to Germany,
With you at hame to dwell, laddie."

6. "I dinna ken how that would do, Jeannie,
I dinna ken how that can be, lassie;
For I've a wife and bairnies three,
An' I'm nae sure how ye'd agree, lassie."

7. "Ye should a telt me that in time, Jamie,
Ye should a telt me that lang syne, laddie;
For had I kent o' your false heart,
Ye'd ne'er hae gotten mine, laddie."

8. "Your e'en were like a spell, Jeannie,
Your e'en were like a spell, lassie;
That ilka day bewitched me sae,
I could na' help myself, lassie."

9. "Gae back to your wife an' hame, Jamie,
Gae back to your bairnies three, laddie;
And I will pray they ne'er may know,
A broken heart like mine, laddie."

10. "Dry that tearful e'e, Jeannie,
Dry that tearful e'e, lassie;
For I've neither wife nor bairnies three,
And I'll wed nane but thee, lassie."

11. "Think weel for fear ye rue, Jamie,
Think weel for fear ye rue, laddie;
For I have neither gold nor lands,
To be a match for you , laddie."

12. "Blair in Atholl's mine, Jeannie,
Little Dunkeld is mine, lassie;
St Johnstone's bower and hunting tower,
An' a' tha's mine is thine, lassie."


An old Scottish Ceilidh tune.  The Corries recorded a version of it, and their melody is the one now more commonly found.  Also known as "Jeannie and Jamie" or "When Will Ye Gang Awa'", it's also related to Richie Story, Child Ballad #232.